26 წლისაა. დაოჯახებულია და ერთი შვილიც ჰყავს, მაგრამ ეს სულაც არ უშლის ხელს ყოველი მეორე გოგო შეაბას, უყვარს ქართული სუფრა,ერთგულების სადღეგრძელოს მუდამ განსხვავებულით სვამს.  ხოსეს ბავშვობის მეგობარი და უახლოესი ძმაკაცია.

ხუცო

ტიპური ქართველი ბიჭია, იმ გაგებით, რომ  ნიჭიერი მაგრამ ზარმაცი. მშობლების თქმით პატიოსანი, თუ იმას არ ჩავთვლით, რომ ერთხელ ფეხი დაუცდა და  4 წელი ციხეში იჯდა. ციხემ განუყრელი კრიალოსანი და ქურდული მენტალიტეტი დაუტოვა.  ვერ იტანს ერეკლეს მეგობარ ბაჩანას, რადგან ის გეი ჰგონია მისთვის გეი კი ქვეყნიერების მტერია, სამაგიეროდ უყვარს და ყველანაირად ცდილობს დაუახლოვდეს, ერეკლეს მეორე მეგობარს ტუსიას.

ბაჩანა

ერეკლეს საუკეთესო მეგობარი. მასავით უყვარს ელექტრონული მუსიკა. გრძელი უკანშეკრული თმებით, საყურეებითა და ფერად-ფერადი სათვალეებით, ბევრი თანამემამულის თვალში ჰომოსექსუალის შთაბეჭდილებას ტოვებს. თავად არაფერს არ ამბობს თავისი სექსუალური ორიენტაციის შესახებ, არც ბიჭებთან აქვს კონტაქტი და არც გოგოებთან აქტიურობს დიდად, რითაც მისადმი აგორებულ ჭორებს სულ-უფრო და უფრო მწვავე სახეს აღებინებს

ტუსია

ერეკლეს უახლოესო მრჩეველი და მეგობარი.  მომხიბვლელი გოგონა რომელიც თავის გარეგნობას მამაკაცებთან იარაღად იყენებს.  მიუხედავად იმისა რომ “სწერვა” და პრეტენზიულია, ძალიან იოლად ახერხებს მამაკაცების მოხიბვლას და მერე მათით მანიპულირებას. უყვარს სამეცნიერო ენციკლოპედიების კითხვა და გულის სიღრმეში ოცნების რაინდს ელოდება. აღებინებს

42 წლის, ქერა, ცისფერთვალება, ეროვნებით რუსი ქალბატონი, რომელიც საქართველოში 23 წლის წინ ჩამოვიდა და მიუხედავად ამისა ქართულ ენაზე ორ წინადადებასაც ვერ ამბობს გადაბმულად. უყვარს სამზარეულოში ტრიალი და რუსული ტელეარხების ყურება. დიდ დროს ატარებს მეზობელ დოდოსთან რომელმაც ერთი სიტყვაც კი არ იცის რუსული დისკუსია მეზობელი გივის ახალ საყვარელზე ორ ენაზე იმართება ხოლმე.

ლერი

53 წლის ა.შ.შ-ის საელჩოს თანამშრომელი. მელოტი და დაბალი. თავისი სიდაბლე ძალიან აკომპლექსებს ამიტომაც, ისედაც მაღალ მეუღლეს მაღალქუსლიანი ფეხსაცმლის ჩაცმის უფლებას არ აძლევს. სამსახურისგან თავისუფალ დროს მეზობლის ავტოფარეხში, ნარდის თამაშში, ატარებს.

ნაზი

ასაკს არ ამხელს. სამაგიეროდ ხშირად საუბრობს თავის ფესვებზე და იმაზე რომ 8 თაობით თბილისელია. ზვიადისტია, ღრმად სწამს, რომ ოდესმე ზვიადი რეინკარნირებული სახით დაბრუნდება საქართველოში. უყვარს ყველაფრის გაკრიტიკება და შვილიშვილების ქება.

22 წლის ბიზნესის ადმინისტრირების სპეციალისტი. მშვიდი და გაწონასწორებული ახალგაზრდა. საშუალო სტატისტიკური ქართველის გადმოსახედიდან “ევროპელობა მინდა ჭაბუკი”. ვერ იტანს ქართულ ტრადიციებს, უფრო სწორედ მათ უდიდეს ნაწილს და მუდამ ცდილობს თავი აარიდოს მათ. უყვარს ელექტრონული მუსიკა და ხატვა.

ხოსე

22 წლის ერეკლეს ტყუპისცალი. პროფესიით ისტორიკოსი. ქართული ტრადიციების უდიდესი დამცველი. საზოგადოებრივი პეპელა. მხიარული და ფეთქებადი მამაკაცი. კარგად უკრავს გიტარაზე და ცეკვავს ქართულ ხალხურ ცეკვებს, უყვარს სიმღერა და ქალები, რომლებშიაც დიდი პოპულარობით სარგებლობს, მოკლედ თავისი ძმის სრული ანტიპოდი.

ეს გახლავთ პროექტი ახალი, ქართული ანიმაციური სერიალის შექმნის შესახებ. ქართულ ტელესივრცეში რბილად, რომ ვთქვათ დიდი ნაკლებობაა “home made” პროდუქციის, უფრო სწორედ სირბილე აქ ზედმეტია და პირდაპირ თქმა ჯობია, ჩვენ საერთოდ არ გვაქვს ქართული ანიმაციური სერიალი. მომავალი მედია მენეჯერების მცირე ჯგუფმა(იმედია ოდესმე  მენეჯერები დავდგებით) გადავწყვიტეთ ჩვენი პროდუქცია შევთავაზოთ მაყურებელს, რომელიც ჯერ დამუშავების პროცესშია და თუ რომელიმე ტელეკომპანია მხარს აგვიბამს ვგონებ მაღალი ხარისხის პროდუქციას მივიღებთ.

ანიმაციურ სერიალში რომელსაც “კაკაო” ერქმევა გაერთიანებული იქნება Family guy-ს, Simpson-ების, South park-ისა და Futurama-ს ყველა დადებითი მხარე.

პროექტის მსვლელობასთან ერთად შევეცდებით ნელ-ნელა გაგაცნოთ ყველაფერი. ჯერ-ჯერობით წარმოდგიდგენთ სერიალის მთავარ პერსონაჟებს.